"Tibbi Sığorta haqqında" Qanuna dəyişikliklər edilmişdir (2026)

1 Yanvar 2026-cı ildən qüvvəyə minməklə “Tibbi sığorta haqqında” qanuna bir sıra əhəmiyyətli dəyişikliklər edilmişdir.

İlk növbədə, muzdlu gəlirlərə tətbiq edilən tibbi sığorta haqqı məbləğində dəyişiklik edilmişdir. Belə ki, neft-qaz sahəsində fəaliyyəti olmayan və qeyri-dövlət sektoruna aid edilən sığorta edənlərdə işləyən şəxslər üzrə – sığortalı tərəfindən işçinin əməkhaqqının 2500 manatadək olan hissəsindən 2 faiz, 2500 manatdan yuxarı olan hissəsindən 0,5 faiz, sığortaolunan tərəfindən əməkhaqqının 2500 manatadək olan hissəsindən 2 faiz, 2500 manatdan yuxarı olan hissəsindən 0,5 faiz məbləğ tutulacaqdır.

“Tibbi Sığorta haqqında” Qanuna edilmiş digər dəyişikliklə qeyri-formal məşğulluq dairəsinə düşən şəxslər üzrə də tibbi sığorta haqqı ödəməli olacaqlar. Belə ki, “Məşğulluq haqqında” Azərbaycan Respublikasının Qanununda nəzərdə tutulmuş qeyri-formal məşğulluğun təsir dairəsinə düşən şəxslər sığortalı qismində özləri çıxış edirlər. Sığortaolunanların sığortalısı qismində isə müvafiq icra hakimiyyəti orqanının müəyyən etdiyi orqan (qurum) çıxış edi. Qeyd edilən sığortalıların müəyyən edilməsi qaydası müvafiq icra hakimiyyəti orqanının müəyyən etdiyi orqan (qurum) tərəfindən müəyyən ediləcəkdir. Bu qayda qüvvəyə mindikdə, qeyd edilən şəxslər üzrə tibbi sığorta haqqı ödəmək öhdəliyi qüvvəyə minəcəkdir. Bu məbləği müvafiq icra hakimiyyəti orqanı təsdiq edir.