Azərbaycan üzrə ITR 2027 nəticələri: CLC Tier 1 kateqoriyalarında

Böyük məmnuniyyətlə bildiririk ki, Caspian Legal Center (CLC) International Tax Review (ITR) tərəfindən açıqlanan 2027-ci il üzrə EMEA Tax Rankings beynəlxalq vergi reytinqində növbəti dəfə yüksək qiymətləndirilərək, Azərbaycanda vergi hüququ və vergi məsləhətçiliyi sahəsinin əsas istiqamətləri üzrə aparıcı mövqelərə layiq görülüb.

Vergi hüququ və vergitutma sahəsində ixtisaslaşmış nüfuzlu beynəlxalq nəşr olan International Tax Review Avropa, Yaxın Şərq və Afrika (EMEA) regionunu, o cümlədən Azərbaycanı əhatə edən 2027-ci il üzrə reytinq nəticələrini açıqlayıb. Sözügedən nəticələr CLC-nin Azərbaycanın vergi məsləhətçiliyi bazarındakı güclü mövqeyini, eləcə də yüksək keyfiyyətli və hərtərəfli vergi xidmətlərinin göstərilməsinə davamlı sadiqliyini bir daha nümayiş etdirir.

Açıqlanmış reytinq nəticələrinə əsasən, CLC aşağıdakı kateqoriyalar üzrə yüksək mövqelərə layiq görülüb:

• Tier 1 – Transfer qiymətqoyması (Transfer Pricing)
• Tier 1 – Vergi mübahisələri (Tax Controversy)
• Tier 2 – Ümumi korporativ vergitutma (General Corporate Tax)

Xüsusilə qeyd etmək istərdik ki, CLC Azərbaycanda “Vergi mübahisələri” (Tax Controversy) kateqoriyası üzrə reytinqə daxil edilmiş cəmi iki şirkətdən biridir. Bu mühüm nailiyyət şirkətimizin mürəkkəb vergi mübahisələrinin həlli, vergi məsələləri üzrə müştərilərin maraqlarının təmsil edilməsi və strateji vergi məsləhətçiliyi xidmətlərinin göstərilməsi sahəsində yüksək peşəkarlığını və geniş təcrübəsini bir daha təsdiqləyir.

Şirkətimizin əldə etdiyi reytinq nəticələri ilə yanaşı, böyük məmnuniyyətlə bildiririk ki, CLC-nin vergi komandasının dörd üzvü ITR tərəfindən fərdi qaydada tanınaraq reytinqə daxil edilmiş vergi mütəxəssisləri sırasında yer alıb.

Bu münasibətlə həmkarlarımızı təbrik edirik:

• Kamal Quliyev – Baş vergi mühasibi
• Ləman Kərimli – Baş vergi mühasibi
• Firəngiz Heydərova – Vergi meneceri
• Fərid Nəbili – İdarəedici partnyor

Bu fərdi tanınma onların yüksək peşəkarlığını, dərin ixtisas biliklərini, müştərilərimiz üçün effektiv vergi həllərinin hazırlanmasına verdikləri töhfələri və xidmət keyfiyyətinin yüksək standartlarda saxlanılmasına göstərdikləri davamlı səyləri əks etdirir.

CLC-ə göstərdikləri davamlı etimad və dəstəyə görə bütün müştərilərimizə və işgüzar tərəfdaşlarımıza səmimi təşəkkürümüzü bildiririk.

Eyni zamanda, bu nailiyyətlərin əldə edilməsində mühüm rol oynayan, peşəkar mükəmməlliyə sadiqliyi və birgə səyləri ilə seçilən bütün vergi komandamızın əməyini yüksək qiymətləndiririk.

CLC olaraq, vergi məsləhətçiliyi və vergi qanunvericiliyinə uyğunluq xidmətlərimizi davamlı şəkildə təkmilləşdirməyə, peşəkar potensialımızı gücləndirməyə, müştərilərimizin ehtiyaclarına uyğun praktik, innovativ və səmərəli həllər təqdim etməyə davam edirik.