Vergi hüququ kitabı artıq TaxReview.az portalında

Məmnuniyyət hissi ilə bildiririk ki, TaxReview.az portalının “Kitablar” bölməsi artıq istifadəyə verilmişdir. Yeni bölmə vergi hüququna həsr olunmuş nəşrlərin (kitab, komentariya və s.) yerləşdirilməsi üçün nəzərdə tutulub.

Hazırda bölmədə “Caspian Legal Center” hüquq şirkətinin İdarəedici Partnyoru, vergi hüququ üzrə mütəxəssis Fərid Nəbilinin “Vergi Hüququ” kitabı yerləşdirilmişdir. Vergi qanunvericiliyinin dərindən öyrənilməsi və tətbiqi sahəsində mühüm mənbə olan bu vəsait bütün istifadəçilər üçün tam əlçatandır.

Sadə üslubda yazılmış kitabda praktiki məqamlara üstünlük verilməklə yanaşı, 100-ə qədər xarici və yerli məhkəmə təcrübəsi təhlil edilmişdir. Kitab hüquqşünas, mühasib, vergi məsləhətçisi, bu sahələrdə təhsil alan tələbələr, həmçinin maliyyə və vergi sahəsində çalışan dövlət və ictimai qurumların mütəxəssisləri üçün tövsiyə edilir.

Vəsaitin strukturu qorunmaqla hər bir fəsil oxucuların operativ istifadəsi üçün PDF sənədləri şəklində sistemləşdirilərək portalın elektron kitabxana bazasına yerləşdirilmişdir. Kitabla tanış olmaq üçün əsas menyudan kitablar bölməsinə daxil ola və yaxud aşağıdakı linkə keçid edə bilərsiniz: 

https://taxreview.az/kitablar/