CLC Multilaw şəbəkəsinə Azərbaycan üzrə üzv kimi qoşulmuşdur

Caspian Legal Center Multilaw beynəlxalq hüquq firmaları şəbəkəsinə Azərbaycan üzrə üzv kimi qoşulduğunu məmnuniyyətlə elan edir. CLC üçün bu, inkişaf strategiyasının həyata keçirilməsi istiqamətində mühüm addımdır.

Multilaw 100-dən çox ölkədə 300 ofisi fəaliyyət göstərən qlobal hüquq şirkətlər şəbəkəsidir və bu, istənilən qlobal hüquq şəbəkəsinin coğrafi əhatə dairəsindən daha genişdir. Ən yüksək səviyyəli hüquqi məsləhət və xidmət standartlarını təmin edən şəbəkənin hər bir üzvü müstəqildir. Bununla yanaşı, yerli xüsusiyyətlərimiz və bazar üzrə bilik və təcrübəmiz müştərilərimizin beynəlxalq ehtiyaclarını qarşılamağımıza imkan verir.

Multilaw şəbəkəsinin baş icraçı direktoru Adam Cooke bildirib: “Caspian Legal Center Multilaw üçün əla bir əlavədir. Azərbaycan dinamik və getdikcə daha böyük əhəmiyyət kəsb edən bazardır və Multilaw şəbəkəsini burada təmsil edən belə güclü komandanın bizə qoşulmasından məmnunuq”.

Caspian Legal Center-in İdarəedici Partnyor Farid Nəbili bildirib: “Multilaw-ya qoşulmaq Caspian Legal Center-in beynəlxalq əhatə dairəsinin genişləndirilməsi istiqamətində mühüm addımdır. Bu üzvlük müştərilərimizə bir çox yurisdiksiyalarda daha geniş hüquqi və vergi məsləhət xidmətləri göstərməyə, onlara transsərhəd məsələləri daha səmərəli şəkildə idarə etməyə və beynəlxalq biznes imkanlarından daha əminliklə yararlanmağa imkan verir. Eyni zamanda, biz digər Multilaw üzvləri ilə sıx əməkdaşlıq etməyi, yerli təcrübəmizi bölüşməyi və Azərbaycan və daha geniş Xəzər regionuna investisiya qoyan, yeni bazarlara daxil olan və ya fəaliyyətlərini genişləndirən beynəlxalq bizneslərə praktik və əlaqələndirilmiş dəstək göstərməyi səbirsizliklə gözləyirik”.