Konsaltinq şirkətləri adətən məsləhət xidmətləri göstərən şirkətlərdir. Azərbaycanda konsaltinq şirkətləri müxtəlif xarakterli məsləhətlər həyata keçirirlər. Əsasən, bu xidmətlərə hüquq konsaltinq, vergi konsaltinq, mühasibatlıq xidmətləri, mühasibat uçotunun təşkili xidmətləri, biznes konsaltinqi, texniki təhlükəsizlik üzrə konsaltinq xidmətləri və digər xidmətlər aid edilə bilər.
Azərbaycanda konsaltinq şirkətləri dedikdə yanlış olaraq bəzi hallarda mühasibatlıq xidmətləri şirkətləri nəzərdə tutulur. Halbuki konsaltinq şirkətləri daha geniş anlayış olub, konsaltinq, yəni "məsləhət" ehtiva edən bütün xidmətləri əhatə edə bilər.
Spesifik bilik tələb edən mövzular sahəsində kənar şirkətlərdən məsləhətlərin alınması bir sıra hallarda şirkətlərin daxili qaydalarının tələbi, digər hallarda praktiki zərurətlə bağlı ola bilər.
Konsaltinq xidmətlərini göstərən şirkətlər göstərdiyi xidmətin nəticəsinə əsasən təminat vermədən formalaşmış təcrübə və xüsusi bilikləri əsasında məsləhət və tövsiyələrini verirlər. Bununla belə, konsaltinq şirkətləri ilə bağlanılan müqavilələrdə aşağıdakı məqamların nəzərə alınmasını tövsiyə edirik:
- Göstəriləcək konsaltinq xidmətlərinin dəqiq dairəsi
- Xidmətlərə daxil olmayan məsələlər
- Konsaltinq şirkətinin təminat verdiyi nəticələr
- Konsaltinq şirkətinin məsuliyyəti – qəsdən və ya kobud ehtiyatsızlıqdan verilmiş yanlış məsləhətin hüquqi nəticəsi
- Konsaltinq xidmətlərinin göstərilməsinə cəlb ediləcək şəxslərə dair tələblər və ya onların siyahının (adlarının) dəqiq müəyyən olunması
- Xidmətlərin göstərilmə müddəti
- Konsaltinq şirkətindən tələb edilən peşəkar məsuliyyət sığortası
- Digər ümumi müqavilə şərtləri
Konsalting şirkətləri ilə bağlanılmış müqavilədə qeyd edilən konsaltinq xidmətlərinin həcmindən əlavə, tərtib ediləcək sənədlər və ya məhsullar üzrə mülkiyyət hüququnun hansı tərəfdə olması dəqiqləşdirilməlidir. Konsaltinq məsləhətləri və ya konsaltinq xidmətləri nəticədə hər hansı sənəd, əsər və ya məhsul şəklində reallaşır. Bu sənəddən istifadə, təkrar istifadə, üçüncü şəxslərə təqdim edilmə və sənədlər üzərində əqli mülkiyyət hüququnun rejimi müqavilədə dəqiqləşdirilməlidir.
Konsaltinq şirkətlərinin əsas müqavilə öhdəliyi mövzu üzrə məsləhətin verilməsi olduğundan, praktikada hər hansı nəticənin baş verməsinə təminatın alınması dəqiqləşdirilməlidir. Verilmiş məsləhətin yanlış çıxması nəticəsində baş verəcək zərərlər praktikada əsasən, peşəkar məsuliyyət sığortası (professional liability insurance) əldə edilməklə aradan qaldırılır. Bu zaman konsaltinq şirkətinin peşəkar məsuliyyətinin həddinin və sığorta hadisəsinin ətraflı izahının müqavilədə əks etdirilməsi tövsiyə edilir. Bu və oxşar səbəblərdən konsaltinq şirkətlərinin seçimində və onlarla müqavilələrin bağlanılmasında hüquqi dəstəyin alınması tövsiyə olunur.
Caspian Legal Center şirkəti Azərbaycanda fəaliyyət göstərən və Bakıda yerləşən konsaltinq şirkətlərindən biri kimi aşağıdakı məsələlərdə sizə dəstək verməyə hazırdır:
- Hüquq məsləhətləri və hüquqi təmsilçilik
- Biznesin təşkili zamanı hüquqi və vergi planlaması
- Vergi konsaltinqi və mübahisələrin həlli
- Mühasibatlıq xidmətləri və mühasibatlıq uçotunun təşkili
- Hüquq və vergi konsaltinqi sahəsində digər tələb edilən xidmətlər
Beynəlxalq reytinqli və Azərbaycan bazarında geniş təcrübəyə malik şirkət olaraq qeyd edilən sahədə xidmətlərinizi bizə həvalə edə bilərsiniz:
Telefon: 050 289 89 73
Email: [email protected]