İpoteka haqqında Qanuna dəyişiklik edilmişdir
İpoteka haqqında Qanuna dəyişiklik edilmişdir

28 dekabr 2018-ci ildə “İpoteka haqqında” Azərbaycan Respublikası Qanununa (bundan
sonra: Qanun) əlavə və dəyişikliklər edilmişdir. Dəyişikliklər əsasilə, notariusun icra
qeydi əsasında ipoteka predmetinə tutma yönəldilməsi, ipoteka predmetinin
özgəninkiləşdirilməsi, ipoteka ilə əlaqədar mübahisələrə məhkəmə qaydasında
baxılması, hərrac keçirilməsi qaydaları, habelə bu prosedurların rüsumları ilə
əlaqədardır.
Qanuna edilmiş əlavələrə əsasən, ipotekaya xitam verildikdə, bunla bağlı əmlak
üzərindəki yüklülüyün ləğv edilməsi üçün rüsum ipotekaya qoyan tərəfindən
ödəniləcəkdir.
Növbəti dəyişiklik ipoteka ilə əlaqədar mübahisələrə məhkəmə qaydasında baxılması ilə
əlaqədardır. Belə ki, ipoteka müqaviləsindən irəli gələn istənilən mübahisəyə məhkəmə
1 ay müddətində baxılmalı və qərar çıxarılmalıdır.
Həmçinin, dəyişikliklərə əsasən, ipoteka predmetinin özgəninkiləşdirilməsi (satılması)
ipoteka qoyanın öz öhdəliyini ödəməsinə imkan verirsə, bu zaman özgəninkiləşdirmə
üçün ipoteka saxlayanın razılığı tələb edilmir. Bu zaman, ipoteka predmetinin
özgəninkiləşdirilməsinə dair müqaviləni notarius təsdiq edir, həmçinin ipoteka
saxlayanın hesabına ipotekanın əsasını təşkil edən məbləğin köçürülməsini təmin edir.
İpoteka predmetinə tutma yönəldilməsi və hərrac keçirilməsi qaydalarına da dəyişiklik
edilmişdir. Dəyişikliklərə əsasən, ipoteka predmetinə tutma yönləndirilməsi barədə
bildirişin əldə edilməsindən 21 gün ərzində bu barədə məhkəməyə şikayət edilməzsə,
ipoteka predmetinə tutma notariusun icra qeydi əsasında həyata keçirilir. Tutma
yönəldilən ipoteka predmetinin satılması açıq bazarda, hərrac vasitəsilə, habelə
elektron qaydada keçirilən hərrac vasitəsilə həyata keçirilə bilər. Dəyişiklərə əsasən,
hərrac keçirilməsi ilə bağlı müddətlər azaldılmışdır.
Qeyd edilməlidir ki, Qanuna edilmiş dəyişikliklər ipoteka ilə bağlı münasibətlərin
sadələşdirilməsinə, prosedurların optimallaşdırılmasına yönəlmişdir.
Əlavə məlumat və suallar üçün zəhmət olmasa, bizimlə əlaqə saxlayın.
Əlaqə nömrəsi: +994 12 480 14 86
Elektron poçt ünvanı: [email protected]

Oxşar Yazılar

Tütün məmulatları haqqında tənzimləmədə yenilik

Tütün məmulatları haqqında tənzimləmədə yenilik

“Tütün və tütün məmulatı haqqında” və “Lisenziyalar və icazələr haqqında” Azərbaycan Respublikası...

Aug 11, 2024
Əmək sahəsində yeni cərimələr qəbul edilib

Əmək sahəsində yeni cərimələr qəbul edilib

Azərbaycan Respublikasının İnzibati Xətalar Məcəlləsinə bir sıra dəyişikliklər edilmişdir. 30 may...

Jun 23, 2025
Nizamnamə kapitalının ödənilməməsinə görə cərimə

Nizamnamə kapitalının ödənilməməsinə görə cərimə

Kapital qoyuluşunun edilməməsi cəzalandırılacaq İnzibati Xətalar Məcəlləsinə edilmiş son d...

Jul 22, 2024
COVID-19 Müvəqqəti Vergi Rejimi Qəbul Edilmişdir

COVID-19 Müvəqqəti Vergi Rejimi Qəbul Edilmişdir

COVID-19 Müvəqqəti Vergi Rejimi Qəbul Edilmişdir

Jul 09, 2020