ITR 2025: CLC vergi üzrə İlin Transfer Qiyməti Şirkəti seçilib

Qürur hissi ilə bildiririk ki, Caspian Legal Center Beynəlxalq Vergi İcmalı (International Tax Review – ITR 2025 Awards) tərəfindən MDB regionu üzrə "Transfer Qiymətləri üzrə İlin vergi Şirkəti" (Transfer Pricing Firm of the Year) mükafatına layiq görülüb. Bu mükafat beynəlxalq vergi sahəsində nüfuzlu reytinq agentliyi tərəfindən təqdim olunur.

2025-ci il sentyabrın 18-də Caspian Legal Center-i təmsil edən Vergi Meneceri Firəngiz Heydərova və Baş Vergi Mühasibi Ləman Kərimli Londonda keçirilən “ITR EMEA Tax Awards 2025” tədbirində iştirak ediblər.

Tədbir region üzrə qabaqcıl şirkətləri, daxili vergi komandalarını və fərdi mütəxəssisləri mürəkkəb vergi məsələlərinin həlli, böyük miqyaslı müqavilələrin icrası və vergi sahəsində liderlik nümayiş etdirdiklərinə görə təltif edir.

“Bu nüfuzlu mükafata layiq görülmək bizim üçün böyük qürurdur. Bu nailiyyət yalnız göstərdiyimiz xidmətin keyfiyyətini deyil, həm də müştərilərimizlə qurduğumuz güclü tərəfdaşlıqları əks etdirir. Uğurlarımızın əsasını təşkil edən fədakar komandamıza dərin təşəkkürümü bildirirəm. Həmçinin bizə güvənən və davamlı əməkdaşlıq edən müştərilərimizə də minnətdarlıq duyuram, məhz onların etimadı bu kimi uğurları təmin edir,” – deyə Caspian Legal Centerin Vergi Meneceri Firəngiz Heydərova bildirib.