Azərbaycan: Bərpa Olunan Enerji

 

Məmnuniyyətlə bildiririk ki, Legal 500 tərəfindən hazırlanmış və Caspian Legal Center tərəfindən Azərbaycanın Eksklüziv Ölkə Töhfəçisi kimi müəllifliyi edilən “Azərbaycan Bərpa Olunan Enerji Bələdçisi” nəşr olunmuşdur. Bu ölkəyəxas sual-cavab formatlı bələdçi Azərbaycanda tətbiq olunan bərpa olunan enerji qanunvericiliyi və normativ tənzimləmələrinə ümumi baxış təqdim edir.

 

Azərbaycan Bərpa Olunan Enerji Bələdçisində biz belə bir nəticəyə gəlirik:

 

“Azərbaycanın bərpa olunan enerji sektoru üçün qarşıdakı illərdə perspektivlər getdikcə daha da ümidverici görünür. Yuxarıda qeyd olunan genişmiqyaslı layihələrin həyata keçirilməsi ilə ölkə ilkin inkişaf mərhələsindən genişmiqyaslı tətbiq mərhələsinə keçid edir. Hökumətin 2030-cu ilə qədər enerji istehsal gücünün 30%-ni bərpa olunan mənbələrdən əldə etmə hədəfi qanunvericilik islahatlarını, investisiyaların cəlb olunmasını və beynəlxalq əməkdaşlığı təşviq edir.

Azərbaycanın Xəzər-Qara Dəniz Yaşıl Enerji Koridoru və Qara Dəniz kabel təşəbbüsü kimi transmilli enerji layihələrində aktiv rolu onu yaşıl elektrik enerjisinin ixracı üçün regional mərkəzə çevirməyi hədəflədiyini göstərir. Bundan əlavə, Avropa Yenidənqurma və İnkişaf Bankının (AYİB) dəstəyi ilə planlaşdırılan bərpa olunan enerji hərraclarının layihələrin bölgüsünü daha səmərəli edəcəyi və rəqabəti artıracağı gözlənilir. Bu təşəbbüslər cədvələ uyğun davam etdirilərsə və normativ baza davamlı şəkildə tətbiq olunarsa, onilliyin sonuna qədər Azərbaycanın bərpa olunan enerji potensialı nəzərəçarpacaq dərəcədə artaraq planlaşdırılan hədəflərə çatacaqdır.”

 

Partyorumuz Orxan Beydiyevə və Hüquq menecerimiz Pari Qasımılıya yüksək peşəkarlıq və dəyərli töhfələrinə görə təşəkkür edirik.