Komandamız

Caspian Legal Centerdə İdarəedici Partnyordur. 

Fərid Nəbili hüquq təhsilini Bakı Dövlət Universitetində (LL.B, 2007) və Mərkəzi Avropa Universitetində (LL.M, 2008) alıb, akademik tədqiqat mövzuları müqayisəli hüquq sahələrini əhatə edib. O, bir qrup özəl şirkət və dövlət qurumlarında hüquq işçisi və menecer, o cümlədən Azərbaycan Respublikası Vergilər Nazirliyində vergi qanunvericiliyinin təkmilləşdirilməsi şöbəsinin rəisi vəzifələrində çalışıb. O, mövcud Vergi Məcəlləsinə bir sıra beynəlxalq vergitutma anlayışlarının və üsullarının (xüsusən, transfert qiymətləri, Tax Free rejimi, əvvəlcədən qərarlar, vergidən yayınmaya qarşı ümumi qayda) daxil edilməsinin təşəbbüskarı və iştirakçısı olmuşdur.

O, nüfuzlu reytinq agentlikləri (Chambers & Partners, IFLR 1000, Legal 500) tərəfindən Azərbaycanda beynəlxalq reytinqli hüquqşünaslardan biri kimi tanınıb, həmçinin World Tax | World TP tərəfindən "vergi üzrə ekspert" olaraq seçilib.

Fərid Nəbili Azərbaycan Vəkillər Kollegiyasının, Beynəlxalq Vəkillər Kollegiyasının və Avropa Korporativ İdarəetmə İnstitutunun üzvüdür. Onun vergi qanunvericiliyinə dair məqalələri Azərbaycandan vergi məruzəçisi olduğu Beynəlxalq Vəkillər Kollegiyasının Vergi Komitəsinin illik hesabatlarında, həmçinin Bloomberg Tax və digər beynəlxalq nəşrlərdə dərc olunub. Vergi Hüququ kitabının müəllifidir (İstanbul, Bilnet, 2023). O, həmçinin 2012-ci ildən bir sıra yerli universitetlərdə hüquq fənni üzrə dərs deyir. Hazırda Bakı Dövlət Universitetində ingilisdilli qruplar üçün vergi hüququ və beynəlxalq vergi hüququ kurslarını tədris edir.

Onun ixtisas sahələri biznes layihəsinin təşkili, korporativ hüquq, vergi hüququ, tikinti hüququ, maliyyə və bank hüququdur.

[email protected]

Caspian Legal Centerdə Partnyordur O, Bakı Dövlət universitetində bakalavr, Londonda Queen Mary Universitetində magistr, həmçinin Azərbaycan Universitetində MBA dərəcəsi almışdır. O. Beydiyev korporativ hüquq sahəsində 15 illik təcrübəyə malikdir. O İqtisadiyyat Nazirliyində bölmə rəhbəri kimi, həmçinin yerli hüquq şirkətində çalışmışdır. O. Beydiyev korporativ hüquq, əmək hüququ, maliyyə və ümumi hüquq sahələrində ixtisaslaşmışdır. Azərbaycan Vəkillər Kollegiyasının üzvüdür. 

Email: [email protected] 

Caspian Legal Centerdə Hüquq Meneceridir. 2017-ci ildə Bakı Dövlət Universitetində Hüquq fakültəsinin bakalavr dərəcəsini alıb. 2021-ci ildən Azərbaycan Vəkillər Kollegiyasının üzvüdür.

Pəri Qasımlı CLC-də 6 ildən artıq təcrübəyə malikdir və Azərbaycanda hüquqi subjektlərin korporativ quruluşu, səhmlərin köçürülməsi, restrukturizasiyası, ləğvi və müflisləşməsi üzrə praktiki təcrübə qazanmışdır. O, məşğulluq və immiqrasiya hüququ, ailə hüququ, tikinti hüququ, şirkət və korporativ hüquq kimi müxtəlif hüquqi sahələrdə müştəri ilə kommunikasiya və hüquqi araşdırma məsələlərində peşəkardır. 

Email: [email protected] 

Firəngiz Heydərova Caspian Legal Center-də vergi meneceridir. Azərbaycan Dövlət İqtisadiyyat Universitetində bakalavr dərəcəsi almışdır. O, ACCA tələbəsidir və Maliyyə Mühasibatlığı, İdarəetmə Mühasibatlığı və Performans İdarəetmə kvalifikasiyalarını uğurla keçmişdir. Həmçinin Azərbaycan üzrə Peşəkar Mühasibatlıq Sertifikatı var. Firəngiz Heydərova bir neçə yerli şirkətdə vergi məsləhətçisi kimi fəaliyyət göstərib. O, maliyyə və mühasibat uçotu, habelə audit və vergi məsələlərində geniş maraq və biliyə malik təcrübəli vergi meneceridir. O, İkiqat Vergitutma Müqavilələri, Transfer Qiymətləndirmə məsələləri və PSA sazişləri üzrə ekspertdir.

Email: [email protected] 

Caspian Legal Center-in baş vergi mühasibi Ləman Kərimli Azərbaycan Dövlət İqtisad Universitetinin həm bakalavr, həm də magistr dərəcəsinə malikdir. Əsasən vergi və mühasibat uçotu üzrə konsaltinq sahəsində altı illik təcrübə ilə o, işini məsuliyyətlə, mükəmməl formada yerinə yetirir. 2022-ci ildə Ləman Kərimli PMS sertifikatı əldə edərək, beynəlxalq mühasibat uçotu üzrə ixtisaslaşmışdır. Onun sənaye sektorunun standartlarına uyğun xidməti müştərilərin etibarlı mühasibatlıq dəstəyi almasını təmin edir.

Nigar Quliyeva Bakı Dövlət Univeritetinin Sabah Qruplarının yetirməsidir. Təhsil aldığı dönəmdə yüksək akademik göstəricilərə sahib olmaqla bərabər, universitetdən kənar fəaliyyətlərində də olduqca aktivdir.  Belə ki, bir sıra həm yerli , həm beynəlxalq qurumlar tərəfindən təşkil edilmiş tədbir və layihələrdə, yay məktəblərində iştirak etmişdir.  Nigar Quliyeva eyni zamanda bir sıra məhkəmə müsabiqələrinin iştirakçısı olmuş, Bakı Dövlət Universiteti Tələbə Elmi Cəmiyyəti tərəfindən təşkil edilmiş “2023-cü il Xoyski Mediasiya Məhkəmə Müsabiqəsi”ndə, həmçinin Paşa Bankın Əlaçı müsabiqəsində qalib gəlmişdir.

Caspian Legal Centerdə kənar hüquq məsləhətçisidir. O, Bakı Dövlət Universitetində bakalavr, Azərbaycan Respublikasının Prezidenti yanında Dövlət İdarəçilik Akademiyasında isə magistr təhsilini almışdır. Bundan əlavə o, Bakı Dövlət Universitetinin doktorantıdır və pedoqoji fəaliyyətlə məşğuldur. Elyar Həsənov bir sıra yerli şirkətlərdə və banklarda aparıcı hüquqşünas vəzifəsində çalışmışdır, 2014-cü ildən isə Azərbaycan Respublikası Vəkillər Kollegiyasının üzvüdür. O, məhkəmə mübahisələri, xüsusilə də mülki, inzibati və iqtisadi işlər üzrə məhkəmədə təmsilçilik üzrə geniş təcrübəyə malikdir.

Caspian Legal Centerdə vergilər üzrə baş mühasibdir. O Azərbaycan Dövlət İqtisadiyyat Universitetində bakalavr dərəcəsini əldə etmişdir. O CLC-ə qoşulmamışdan əvvəl bir neçə yerli şirkətdə vergi və mühasibatlıq üzrə fəaliyyət göstərmişdir. O maliyyə, mühasibat, vergi və əmək məsələləri üzrə geniş təcrübəyə malikdir.  Kamal Quliyev Beynəlxalq Maliyyə Hesabatları Standartları üzrə Peşəkar Mühasib Sertifikatına malikdir. O, CLC-də müştərilərə mürəkkəb maliyyə və vergi vəziyyətlərində dəstək verən etibarlı məsləhətçidir.

Email: [email protected]

Sona Abdullayeva Caspian Legal Center-də hüquq məsləhətçisi kimi çalışır.

Bakı Dövlət Universitetinin Hüquq Fakültəsinin ingilis bölməsində təhsilini tamamlamış və 2022-ci ildə Caspian Legal Center-ə  qoşulmuşdur.    

O, müqavilə hüququ və əmək hüququ kimi sahələrdə fəaldır. Dəqiqliyi və tədqiqat qabiliyyəti ilə həmçinin, həmin sahələr üzrə qabaqcıl onlayn və oflayn təlimlərdə iştirak etməklə bazarda perspektiv vəd edən və seçilən hüquqşünasdır.

Maya Əhmədzadə Caspian Legal Center-də Vergi Hüququ üzrə Köməkçi Hüquqşünas vəzifəsində çalışır. O, müştərilərə vergi qanunvericiliyi üzrə müxtəlif hüquqi məsələlər üzrə məsləhətlər verir. ADA Universitetində Azərbaycan və ingilis dillərində hüquq üzrə bakalavr təhsili aldığı müddətdə, həm dövlət, həm də özəl sektorda dəyərli təcrübə toplamışdır. Güclü hüquqi araşdırma, analiz və ünsiyyət bacarıqları ilə, Maya Əhmədzadə Caspian Legal Center-ə 2024-cü ilin iyun ayında qoşulmuşdur.

Şiralizadə Nigar Caspian Legal Center-də Vergi mühasibi olaraq çalışır və Azərbaycan Dövlət İqtisad Universitetində rus sektoru üzrə mühasibatlıq fakultəsi üzrə bakalavr dərəcəsinə malikdir. Vergi və mühasibatlıq sahəsində üç illik təcrübəsi ilə o, işində yüksək keyfiyyət nümayiş etdirir. Nigar həm neft, həm də qeyri-neft sektorunda təcrübə qazanmışdır. Eyni zamanda, o ACCA tələbəsidir və 2023-cü ildə beynəlxalq mühasibat standartlarına ixtisaslaşmış Maliyyə Mühasibatlığı sertifikatı alıb. O, vergi mühasibatlığı üzrə kurslarda iştirak etmişdir, bu da onun bu sahədəki bilik və bacarıqlarını daha da gücləndirmişdir.

Müşfiq Rzazadə, CLC-də mühasib köməkçisi kimi çalışan gənc mütəxəssisdir. Bakalavr və magistr dərəcələrini Azərbaycan Dövlət İqtisad Universitetində almışdır. Şirkətimizdə iş həyatına başlamazdan əvvəl müxtəlif sənaye sahələrində mühasib köməkçisi olaraq təcrübə qazanmışdır. Müşfiq, mühasibat uçotu, vergi və maliyyə sahəsində biliklərini artırmaq məqsədilə müxtəlif kurslarda iştirak edir. Eyni zamanda, 2019-cu ildə Hüquq, İqtisadiyyat və İdarəetmə üzrə Beynəlxalq ICLEL Konfransıda “Azərbaycanın Maliyyə Bazarlarında Qiymət əmələgəlmə Problemləri” adlı məqaləsi dərc olunmuşdur. Müşfiq, mühasibat sahəsindəki bilik və bacarıqlarını inkişaf etdirməyə davam edərək, professional inkişafını hədəfləyir.